Novas
- Detalles
ESTE VERÁN, COMO NUNCA!
ESTE VERÁN, MÁIS CA NUNCA!
ESTE VERÁN, TODO HA SEGUIR BEN!
MAÑÁS DE VERÁN e CAMPAMENTOS URBANOS DA FEDERACION DE CENTROS XUVENÍS DON BOSCO DE GALICIA NA CORUÑA, LUGO, SANTIAGO, OURENSE E VIGO
Estamos a vivir unha situación nova, na que non queremos deixar de apoiar a nenos e nenas, adolescentes e mocidade nesta crise. Despois de meses de encerro nos que faltaron estímulos, relacións, estrutura... crémonos na obriga de, NESTE VERÁN MÁIS CA NUNCA, ofertar actividades de tempo libre educativo para:
- retomar as relacións e os procesos persoais e colectivos da infancia e da xuventude;
- non estigmatizar a poboación máis vulnerable;
- avaliar os impactos desta crise na infancia e tentar paliar os danos sufridos, de calquera tipo;
- educar para a saúde a través do xogo, formándonos na adquisición de hábitos de hixiene;
- cumprir co dereito fundamental ao lecer contemplado na Convención dos dereitos do neno e da nena.
Por todo isto, imos acentuar as medidas de protección da saúde e hixiene dos participantes nas actividades de verán, respectando e cumprindo, no dia a día, as condicións e obrigacións hixiénico-sanitarias vixentes: primaremos a asunción de novas rutinas de seguridade (suficientes, realistas, axustadas) e crearemos protocolos axeitados ás circunstancias, con pautas claras e sinxelas para todos e todas.
Somos un grande equipo de profesionais e voluntariado que opta polo tempo libre educativo. Coma sempre e NESTE VERÁN MÁIS CA NUNCA, ímonos reinventar, como vimos facendo desde hai décadas, con fórmulas creativas, adaptadas, pragmáticas, con sentidiño común e sanitario. Será unha planificación estruturada, realizable, con actividades e procedementos que contemplen diversos escenarios; unha planificación que tentará compensar os efectos do confinamento coa presenza das persoas adultas de referencia, ao aire libre, promocionando a responsabilidade persoal, a intelixencia emocional, a relación entre iguais en pequenos grupos, a actividade física e a educación na saúde.
Seguimos defendendo, como todos os anos e NESTE VERÁN MÁIS CA NUNCA, as actividades de tempo libre educativas, por seren experiencias inesquecibles, porque con elas os participantes o pasan en grande, fan novas amizades, divírtense, melloran as súas habilidades sociais na relación cos outros, medrando no respecto, na tolerancia e na liberdade, aumentan a autoestima e a confianza propias, desenvolven a súa independencia e autonomía, aprenden e practican valores, asumen un estilo de vida saudable a través das rutinas diarias e danlle valor á familia e ao seu fogar.
Tamén pretendemos axudar, NESTE VERÁN MÁIS CA NUNCA, a moitísimas familias na conciliación da vida persoal, familiar e laboral, proporcionándolles a tranquilidade de saber que os seus fillos e fillas se encontran en boas mans, participando nos proxectos de tempo libre educativo de verán ao carón dos animadores e animadoras da Federación de Centros Xuvenís don Bosco de Galicia.
Vémonos nas rúas e parques da túa cidade, NESTE VERÁN MÁIS CA NUNCA!
#nesteveránmáiscanunca
- Detalles
Os animadores e animadoras dos centros xuvenís da Federación Don Bosco queremos seguir aportando o noso traballo voluntario adaptándonos á situación actual, en contra do aburrimento e tratando de levar o mellor posible este confinamento.
Por elo imos a publicar nesta web e nas webs dos 5 centros xuvenís propostas de actividades diarias para facer na casa. Dividímolas en 3 áreas:
- Móvete! (xincanas, actividades deportivas, videoxogos, baile,...)
- Crea! (obradoiros, xogos de mesa, receitas,...)
- Respira! (lecturas, reflexións, para manter esperta a cabeza e o corazón)
Tamén teremos algunha proposta online para mozos que iremos desvelando pouco a pouco.
Seguimos á vosa disposición no correo Este enderezo de correo está a ser protexido dos robots de correo lixo. Precisa activar o JavaScript para velo.
Anímate a participar!
- Detalles
Vistos os acontecementos e que a carentena seguirá ata despois da Semana Santa, decidimos desconvocar os encuentros pascuais previstos. Aínda con todo, lanzamos unha iniciativa que pode ser fermosa; trátase dunha iPascua, para vivir e celebrar desde casa. Están convidados mozos e mozas, familias e adultos, cada quen poderá participar ao seu nivel; e o que será máis enriquecedor: recuperar a “Igrexa doméstica” como primeira comunidade.
Datas
Os encontros de Pascua se celebran entre o Xoves Santo e o Domingo de Resurrección. Este ano, entre os días 9 e 12 de abril.
O modo de participar
O modo de participación terá dúas modalidades: personalmente ou como familia. E para elo, contaremos cun triple menú:
• Un está pensado para nenos e as súas familias.
• Outro para mozos emozas entre os 16-19 anos.
• Outro para mozos e mozas de máis de 20 anos, e adultos.
Como veredes, haberá unha proposta de reflexión-oración-celebración diaria. Non se trata de facer moitas cousas; senon de vivir estes días con ledicia e esperanza. Do que ofrecemos, fai o que che resulte mellor; nin pouco nin moito... o que vexas oportuno, e sexa necesario para ti.
A proposta diaria
Aínda que o ritmo o marcarás ti; distribuimos o menú nun ritmo de mañá e de tarde, para que sexa fácil facelo sen fatiga e con orde. Cada quen, poderá seguilo desde un PC, tablet o móbil.
As cousas que atoparás diariamente son:
1. Unha presentación en vídeo do día. Nela atopará as claves para vivir e celebralo.
2. O momento de oración pola mañá a través dun breve texto, unha canción ou unha imaxe.
3. Unha reflexión diaria e a súa concreción para a nosa vida de crentes. Para os nenos, esta reflexión, cambiarase por unha actividade creativa para realizar en familia.
4. Un tempo de tranquilidade para orar e pechar a mañá. Neste momento proporémosche un xesto-acción que poderás levar a cabo ao longo da xornada.
5. Un tempo de grupos on-line, para os que desexen compartir con outros a súa reflexión e as súas preguntas. Este tempo estará moderado por un animador para cada grupo de 10 persoas.
6. A celebración será o momento culmen do día, en que sintamos en comuñón entre nós e con toda a Igrexa.
7. "En intimidade" será o tempo final de cada xornada. Talvez, a noite sexa o momento para a confidencia, a súplica e o agradecemento a Deus polo día que nos acaba de conceder e polo tempo de graza que nos ofrece.
8. "O Muro" será un espazo virtual onde quen queira poderá escribir unha breve reflexión ou compartir a súa oración. Será bonito orar con tantos bos sentimentos e pensamentos de todos nós.
Inscricións
A fin de organizarnos, pedímosvos que vos rexistredes no seguinte formulario para poder atendervos mellor e ter unha canle aberta de comunicación permanente. Aquí tedes o link para facelo:
https://forms.gle/xXnWqa7Co6wJVeSN6
Mais info
https://sites.google.com/salesianos.es/ipascua2020
- Detalles
- Móvete! (xincanas, actividades deportivas, videoxogos, baile,...)
- Crea! (obradoiros, xogos de mesa, receitas,...)
- Respira! (lecturas, reflexións, para manter esperta a cabeza e o corazón)
- Detalles
En Galicia temos moito que ensinar. Dende a Federación de Centros Xuvenís Don Bosco de Galicia queremos amosar todas as singularidades que ten a nosa terra ao mundo enteiro. Buscamos fotos que só poidan darse no Camiño de Santiago, ou sexan características da mesma. Pode ser unha paisaxe, unha crítica, unha romería, un costume, un trebello,.... Para participar no concurso simplemente deberás etiquetar na foto á Federación Don Bosco. Podes participar tanto mediante Facebook ou Instagram (@fedboscogal)